الرئيسية
أحدث الصور
بسم الله الرحمن الرحيم
السلام عليكم و رحمة الله و بركاته
جيتك يا بحر بعد ما ضاق بي الصمت
جيتك من كثر ما انجرحت و تألمت
يا بحر شيل همي خلاص تبت و تعلمت
ما ني لاقي أحد يحس بزفرة الآه
يا بحر مدري أنا التايه ولا الحظ تاه
جيت أدور عني أنا
أبي ألاقي نفسي عندك بين صخورك
بأمواجك .. أو في وجوه هالناس
جيت أفتش عن بقايا أشلائي
عن صوت اختفى بصمتي
و ابتسامة فارقت شفاتي
يا بحر قالوا عنك واسع و قلبك ماله شاطئ
بس أنا أبيك تسمعني للآخر
أنا جيتك حزين أصبر قلبي الصابر
جيت تسامرني بعد ما تفرقوا أحبابي
جيتك تداويني من أوجاعي
يابحر مالي غيرك مسامر
يا بحر أبي جوابك
ليه الحزن مكتوب فيني؟؟؟
ليه يابحر أحس بوحدتي نار تكويني
يا بحر الناس صارت من دون مشاعر
حتى أقرب الناس تغير و تجبر
يا بحر محد باقي مثل ما كنت خابر
يا بحر مالي و مال الناس؟؟
اللي فيني يكفيني
أنا محبوس بين صور من الماضي
أقلبها بأفكاري
حتى ضاقت بي الدنيا و تخلت عني أشعاري
و عاندتني أقلامي و كل الدفاتر
عشان كذا أبي تحس فيني
يابحر قلي ليه .. الدنيا عذاب
هموم .. و دموع .. و اكتآب
ليه الكل رااااح من غير وداااع ليه راحوا بعيد
ما أشوفهم إلا سراب
راحو بصمت لا تلويح و لا عتاب
يا بحر ..
ليه ناس مرتاحة و ناس تنكوي بالنار
و ليه جروح الكل تطيب
و جرحي للحين ما طاب
أدري أتعبتك يا بحر
و الأسئلة ما لها عندك جواب
بس الحقيقة ليتك إنسان
يمكن تحس فيني وش كثر أنا تعباانة
ليتك تضمني بين أمواجك
ليتك تقرى قصتي وتعرف مين أنا
أنا قصيدة ألم من غير عنوان
أنا الألم كله
أنا جروح في صورة انسان
أنا ذكرى منسية
أنا دموع و أحزان
باختصار أنا قصة
طويلة ما يحفظها كتاب
ليه يا بحر؟؟
ليه ضاق صدرك ..
حتى أنت يا بحر ما تبيني؟
ليه تنثر قطرات دمعك على عيني؟
يابحر بيكفي .. دموعي تكفيني
مافيني حيل أواسيك أبيك أنت تواسيني
يمكن حتى أنت يابحر صرت مثل كل الناس قاسي
ما تحتمل هم أحد
وأنت منك ناقص هموم تكدر أفراحك
أشوفهم حولك في وجوههم سعادة
مدري ليش أنا أعيش لحظات الكآبة
يا بحر ..
أبيك تحفظ شكوتي في أعماقك
وسر دمعتي احفظها أمانه
خلاص عشانهم برحل و ما أكون سبب هياجك
افرح يا بحر من أكون أصلا بين كل هالناس
أبرحل و اعتبرني قطرة من ذيك السحابة
ما راح أتحسف خلاص وش تفيد الحسافة
أبرحل واعتبرني تايه ظليل
أو سائح مر على أمواجك عابر سبيل00
مما راق لي ..
تحياتي ..
